足智彩常用玩法一覽
馬會足智彩投注種類包括主客和、半場主客和、讓球主客和、讓球、入球大細、波膽、半全場、總入球、入球單雙、首名入球等,仲有開出角球、特別項目同晉級隊伍等。下表係最常用嘅十一種,以及本站相關詳解。
| 玩法 | 預測咩 | 延伸閱讀 |
|---|---|---|
| 主客和 | 全場賽果:主勝、和局、客勝 | 主客和詳解 |
| 半場主客和 | 上半場賽果:主勝、和局、客勝 | 主客和詳解 |
| 讓球主客和 | 讓球調整後嘅全場賽果 | 讓球主客和詳解 |
| 讓球 | 經讓球數調整後邊隊贏 | 讓球盤教學 |
| 入球大細 | 兩隊全場總入球多定少過球數 | 入球大細詳解 |
| 球隊入球大細 | 單一球隊入球數多定少過球數 | 入球大細詳解 |
| 波膽 | 全場確實比數 | 見下文 |
| 半全場 | 上半場同全場賽果嘅組合 | 見下文 |
| 總入球 | 兩隊全場入球總數 | 見下文 |
| 入球單雙 | 兩隊全場入球總數係單數定雙數 | 見下文 |
| 首名入球 | 邊個球員最先入球 | 見下文 |
所有固定賠率玩法嘅派彩,都按法定比賽時間嘅賽果計,不包括加時或互射12碼;彩金會計算至最接近嘅一角款額。賠率係包括本金嘅倍數:派彩=注碼×賠率,純利=注碼×(賠率−1)。
賽果類:主客和、半場主客和、讓球
主客和猜全場賽果係主勝、客勝或和局;半場主客和只睇上半場;讓球主客和同讓球,就先將讓球數計入賽果再分勝負。
馬會官方例子:投注$1,000巴塞隆拿(主隊勝),賠率2.10倍,若巴塞隆拿勝出,可獲$2,100(包括本金)。半場主客和嘅官方例子同樣係$1,000、賠率2.10倍,上半場結束時賽果係投注球隊勝出,可獲$2,100,淨利$1,100。賠率同抽水點計,可以睇主客和係咩意思。
讓球主客和嘅讓球數必須係整數(一球、兩球、三球),調整後賽果有主勝、賽和、客勝三個選項,詳見讓球主客和係咩意思。普通讓球就會有斜線盤口同走盤,結算對照見讓球盤教學大全,盤口寫法見讓球盤口正負號同斜線寫法。英超半場主勝、和、客勝各佔幾多,同20隊半場積分榜,見半場主客和數據。
入球類:入球大細、總入球、入球單雙
入球大細同總入球都係睇兩隊入球數,唔睇邊隊贏:入球大細猜多過定少過指定「球數」,總入球猜確實入球總數,入球單雙猜總數係單數定雙數。
入球大細官方例子:球數為[2.5/3](一半本金投注[2.5]、一半投注[3]),投注$1,000買大,賠率1.90;總入球4球或以上,可獲$1,900;總入球剛好3球,可獲$1,450(一半本金按[3]收回$500,另一半按[2.5]贏錢)。球數2.5球即係3球或以上為大、2球或以下為細,詳解見入球大細意思係咩。
總入球官方例子:投注$1,000總入球3球,賠率3.50倍,兩隊入球總數剛好3球,可獲$3,500。入球單雙官方訂明「全場沒有入球作雙數論」,例子係$100買單數、賠率1.90倍,入球總數為單數(例如1:0、2:1、3:2)可獲$190。另外仲有球隊入球大細,只計主隊或客隊自己嘅入球數。英超兩季0至7球以上嘅分佈同單雙比例,見總入球數據;計角球總數嘅開出角球大細,見角球大細數據。
高賠率類:波膽、半全場、首名入球
波膽猜全場確實比數,半全場猜上半場同全場兩個賽果嘅組合,首名入球猜最先入球嘅球員;選項愈精確,賠率愈高,中嘅難度亦愈大。
- 波膽:官方列出主隊勝(1:0、2:0、2:1……5:2)、客隊勝(0:1、0:2、1:2……2:5)同和局(0:0、1:1、2:2、3:3)嘅比數選項,以及「其他」比數。官方例子:$100買主隊勝2:1,賠率7.50倍,派彩$750;買賽和1:1,賠率6.50倍,派彩$650。每個比數喺英超出現幾多次、馬會波膽抽水有幾重,見波膽出現率同抽水。
- 半全場:共有9種結果,前方係半場賽果、後方係全場賽果,「主」代表主隊勝、「和」代表賽和、「客」代表客隊勝,例如「主–客」即半場主隊勝、全場客隊勝。官方例子:$100買「主–主」,賠率3.60倍,派彩$360。9種結果喺英超嘅出現率見半全場數據。
- 首名入球:投注最先入球嘅球員,烏龍球唔計算在內;如果你揀嘅球員喺法定比賽時間內未有上陣,或者喺首名入球球員產生後先被換上陣,注款會獲退款。官方例子:$100買某球員,賠率2.10倍,該球員係最先入球球員,派彩$210。
過關同混合過關:上限同無效賽事處理
過關係將多場賽事賠率逐關相乘,每關都中先有派彩:主客和過關多至八場,混合過關可揀2關至最多8關,但組合包括波膽、半場波膽或半全場,關數最多只可以6關。
官方例子:以過關形式投注$1,000於三場主隊勝,賠率分別係1.40、1.95同2.40倍,三場全中可獲$6,552(1000×1.40×1.95×2.40,包括本金)。「讓球」過關嘅最低投注金額為$200。如果其中一場賽事宣佈無效,過關注項當一倍成功過關,單場注項就獲退款。想試自己嘅賠率組合,可以用賠率計算工具;抽水點計見足智彩即時賠率同抽水實測。
賠率喺開賽前會變動,睇走勢同異動可以參考賠率走勢點睇?盤口異動教學;實盤結算例子,可以睇歐國聯盤口:英格蘭讓球半/兩球點計。